Superkokot jo nejwětšy wjerašk w lěśe za našych młodostnych. Južo w pśigótowanju, cora wjacor su wěncy a wrotu wili pśi Žylojskem młoźinskem klubje. Wejsańske młodostne z Chóśebuza su wuměnili měnjenja wó woplěwanju serbskich nałogow z drugimi z wokrejsow SPN, LDS a OSL. Wšake pšašanja su hyšći wótwórjone, chto rejtujo z kótarym kónjom, chto ma nejlěpše šansy za kralowy titul a kak wjele rejtarjow buźo se wobźěliś?
Jasne ale jo, až buźo wušy šołta města Chóśebuz Holger Kelch gromaźe ze statnym sekretarom Martinom Gorholtom 16. Superkokot w Žylowje wótwóriś. Gósći z cełeje Łužyce su se južo pśizjawili a teke David Statnik, pśedsedaŕ Domowiny- Zwězk Łužyskich Serbow jo mjazy nimi. Wjele Žylojskich pomocnikow se pśigótuju na swójski part. Wejsna pśirada ze Žylowa a běrgarske towaristwo pódpěrujotej Žylojsku młoźinu mócnje. Do cesćenja krala kralow zeg. 20.00 w Žylojskem gósćeńcu dostanu gósći na rejtowanisću hyšći wjele wěcej zajmnych informacijow k žnjownym nałogam w Dolnej Łužycy.
Pśiźćo a źiwajśo se – wjaselimy se na wjele woglědarjow do 16. Superkokota,
sobotu, 26.09.2015 na rejtarnišću w Žylowje, wótpołdnja zeg 14.00.
16. Superkokot im Cottbuser Stadtteil Sielow / Žylow
Der Superkokot ist für die Jugendlichen unserer Region jedes Jahr ein großartiges Ereignis. Schon bei der Vorbereitung am Donnerstagabend vor dem Sielower Jugendclub, beim Winden der Pforte und der Ehrenkränze, tauschen sich die Jugendlichen der Cottbuser Ortsteile und des Landkreises Spree-Neiße und Dahme-Spreewald intensiv zur Pflege der wendischen Bräuche aus. Einige Fragen blieben noch offen, wer reitet auf welchem Pferd, wer hat die größten Chancen auf den Sieg und wieviele Reiter werden es wohl sein?
Aber sicher ist, dass der 16. Superkokot in Sielow oder Žylow, wie der Ort wendisch heißt, vom Cottbuser Oberbürgermeister Holger Kelch im Beisein des Staatssekretärs Martin Gorholt eröffnet wird.
Gäste aus der gesamten Lausitz haben sich bereits angemeldet und auch David Statnik, der Vorsitzende der Domowina – Bund Lausitzer Sorben e.V. wird unter ihnen weilen. Viele Sielower Helfer bereiten sich auf dieses Ereignis vor. Der Sielower Ortsbeirat und der Bürgerverein unterstützen die Sielower Jugend tatkräftig. Bevor ab 20.00 Uhr der König der Könige, der kral kralow im Sielower Gasthof geehrt wird, gibt es noch viel mehr interessante Informationen zu den Erntebräuchen in der Niederlausitz zu hören und zu sehen.
Kommen und staunen Sie – wir freuen uns auf viele Besucher zum 16. Superkokot am Samstag, den 26.09.2015 ab 14.00 Uhr auf dem Reitplatz in Sielow.
