Ze spominanjom na wotbagrowane serbske wjeski z widom na zakónčenje zmilinjenja brunicy zahaji so pjatk wječor w Rownom zjawny dźěl posedźenja Zwjazkoweho předsydstwa Domowiny. [Mit einem Gedenken an die abgebaggerten sorbischen Dörfer begann am Freitagabend (29.6.2018) in Rohne der öffentliche Teil der Tagung des Bundesvorstands der Domowina.]
Předsyda Domowiny Dawid Statnik mjez druhim praji: “Kónc wotbagrowanja wsow je wotwidźeć. Z tym spjelni so pomału žadanje našeho programa ‘Domowina 2025’ wo dołhodobny a rjadowany wustup z wudobywanja a zmilinjenja brunicy a dale statny spěchowanski program za strukturnu změnu we Łužicy.” Wot lěta 1998 hač do 2014 je Domowina 17 wopomnjenskich dnjow za wotbagrowane serbske wsy jako zjawne zarjadowanja organizowała. Dalše tajke zarjadowanja so jenož tam přewjedu, hdźež potrjecheni resp. jich potomnicy dotal žane wopomnišćo nimaja.
Přitomni wobzamknychu namjet za jednanski porjad 19. hłowneje zhromadźizny Domowiny, kiž wotměje so dnja 30.03.2019 w Chrósćicach. Delegaća ze wšěch župow a towarstwow změja tam bilancować dźěławosć Domowiny w prěnjej połojcy wólbneje doby 2017-2021 a schwalić předźěłane dźěłowe směrnicy Domowiny za dobu hač do 20. (wólbneje) hłowneje zhromadźizny w lěće 2021.
Zwjazkowe předsydstwo powoła zastupjerjow Domowiny za poradźowace sobudźěło w šulskich konferencach serbskich šulow a šulow ze serbskorěčnym poskitkom w Sakskej. Kubłanski wuběrk zwjazkoweho předsydstwa ma wuměnu nazhonjenjow a zhromadne dźěło zastupjerjow Domowiny w šulskich konferencach koordinować.
Čłonojo zwjazkoweho předsydstwa přihłosowachu naćiskej hospodarskeho plana za lěto 2019. Zarjad dósta nadawk, trěbne hospodarske jednanja ze Załožbu za serbski lud přewjesć.
Wjacori čłonojo Zwjazkoweho předsydstwa Domowiny podachu wobšěrne informacije wo swojim skutkowanju:
Předsydka Sakskeje rady za serbske naležnosće Marja Michałkowa poda rozprawu wo dźěławosći rady za lěće 2016 a 2017. Přitomni wzachu rozprawu na wědomje a wuprajichu jeje čłonam dźak a připóznaće za jich zamołwite čestnohamtske skutkowanje.
Manfred Hermaš, župan župy Jakub Lorenc-Zalěski z. t., předstaji aktualne aspekty dźěławosće župy. Wón podšmórny, zo koncentruje so župa w swojej dźěławosći pod změnjenymi wuměnjenjemi na spěchowanje rěčnych projektow, wosebje zachowanja slepjanšćiny.
Wuhódnoćejo lětuši kongres Federalistiskeje unije europskich narodnosćow (FUEN) praji wiceprezident FUEN Bjarnat Cyž mjez druhim, zo budu nas temy iniciatiwy Minority SafePack, kotruž je tež wjele Serbow podpisało, tež dale zaběrać, nic naposledk w konteksće klětušich wólbow do Europskeho parlamenta. Klětuši kongres FUEN wotměje so na Ukrainje, a to tohorunja jako wólbna zhromadźizna.
Na namjet Jana Nuka diskutowachu čłonojo Zwjazkoweho předsydstwa Domowiny wo kubłanskich prašenjach, wosebje wo dalewuwiwanju WITAJ-prócowanjow. Přitomni namjetowachu wutworjenje skupiny, kiž ma analyzować dotalne iniciatiwy na polu kubłanja k zdźerženju a dalewuwiću serbskeje rěče w pěstowarnjach a šulach. Wjacori čłonojo zwjazkoweho předsydstwa wuprajichu so zwólniwi, w tutej skupinje sobudźěłać.
Deutsch:
Der Vorsitzende der Domowina David Statnik sagte u. a.: „Das Ende der Abbaggerung von Dörfern ist absehbar. Damit erfüllt sich langsam unsere Forderung nach einem langfristigen und geordneten Ausstieg aus der Braunkohlengewinnung und ihrer Verstromung, wie wir sie in unserem Programm ‘Domowina 2025‘ formuliert haben.“ Er verwies auf die Notwendigkeit eines staatlichen Förderprogramms für den Strukturwandel der Lausitz. Von 1998 bis 2014 hat die Domowina 17 Gedenktage für abgebaggerte sorbische Dörfer als öffentliche Veranstaltungen organisiert. Künftig sollen solche Gedenktage nur dort durchgeführt werden, wo es für die Betroffenen bzw. ihre Nachkommen bisher keine Gedenkstätte gibt.
Der Bundesvorstand verabschiedete den Entwurf der Tagesordnung für die 19. Hauptversammlung der Domowina, die am 30.03.2019 in Crostwitz stattfinden wird. Die Delegierten aus allen 18 Mitgliedsverbänden der Domowina in der Ober-, der mittleren und der Niederlausitz werden dort die Arbeit des Dachverbandes der Sorben in der ersten Halbzeit der Legislaturperiode 2017-2021 bilanzieren und die überarbeiteten Arbeitsrichtlinien für die Zeit bis zur 20. Haupt- und Wahlversammlung 2021 beschließen. Die Domowina hat ca. 7300 Mitglieder in 5 Regionalverbänden und 13 spezifischen überregionalen Mitgliedsvereinen.
Der Bundesvorstand berief die Vertreter der Domowina, die an Sorbischen Schulen und Schulen mit sorbischsprachigem Angebot in Sachsen an Sitzungen der Schulkonferenzen mit beratender Stimme teilnehmen können. Diese Möglichkeit räumt das im vergangenen Jahr verabschiedete Sächsische Schulgesetz (Paragraph 43, Absatz 3) ein. Dafür hatte sich auch der Sächsische Sorbenrat unter dem Vorsitz von Maria Michalk stark gemacht.
Einstimmig beschloss der Bundesvorstand der Domowina den Entwurf des Haushaltsplanes für das Jahr 2019. Die Geschäftsstelle der Domowina wurde beauftragt, die notwendigen Abstimmungen mit der Stiftung für das sorbische Volk zu führen.
Foto: David Statnik, derzeitiger Vorsitzender der Domowina; Wikipedia; CC BY-SA 3.0; Julian Nyča
