Pód moto „…ako raj“ profeta Hezechiela ze Starego testamenta pśepšosyju łužyske cerkwine wokrejse Ewangelskeje cerkwje Barlinja–Bramborskeje–šlazyńskeje Górneje Łužyce na prědny Łužyski cerkwiny źeń do Chóśebuza sobotu 4. julija 2015 wót zeger 10 to 17. Cerkwiny źeń dej póbitowaś wšakoraki program za wšykne generacije. Mimo wótwórjeńskeje namše a kóńcnego zarědowanja w Měsćańskej hali, spšawnych diskusijow wó kontrowersnych temach na podiumach a pśi tematiskich blidach dajo pisany ramikowy program z koncertami, wustajeńcami a informaciskimi abo pśedawańskimi stojnicami.
Wjerašk jo zaplanowany program w familijowem domje na Puškinowej promenaźe, na pśikład ze znatym entertainerom Danielom Kallauchom a swojim wjasołym ptaškom Willibaldom. Za młoźinu zachopijo Łužyski cerkwiny źeń južo pětk z band „Duck or Dove“ ze Złego Komorowa a „D:Projekt“ z Drježdźan.
K Łužyskemu cerkwinemu dnju słuša teke serbski program. Zeger 12 dajo serbsku nabóžninu w Serbskej cerkwi. Naplanowany su wustupy Chora Łužyca, Dolnoserbskego źiśecego chora a pěsnjarja Bernda Pittkuningsa. Šula za dolnoserbsku rěc a kulturu póbitujo Schnupperkurs dolnoserbšciny.
Wie der Garten Eden. Lausitzkirchentag in Cottbus
Unter dem Motto „…wie der Garten Eden“ aus dem Buch des Propheten Ezechiel im Alten Testament laden die Lausitzer Kirchenkreise der Evangelischen Kirche Berlin–Brandenburg–schlesische Oberlausitz zum ersten Lausitzkirchentag am Samstag, den 4. Juli 2015 von 10 bis 17 Uhr nach Cottbus ein.
Dieser Lausitzkirchentag soll ein vielfältiges Programm für alle Generationen bieten. Außer einem Eröffnungs- bzw. Schlussgottesdienst in der Stadthalle, offenen Diskussionen zu kontroversen Themen auf verschiedenen Podien und an Thementischen bilden Konzerte, Workshops, Ausstellungs-, Informations- und Verkaufsstände ein buntes Rahmenprogramm.
Ein Highlight ist das geplante Programm im Familienhaus in der Puschkinpromenade, u. a. mit dem bekannten Entertainer Daniel Kallauch und seinem „Spaß-Vogel“ Willibald.
Für Jugendliche startet der Lausitzkirchentag bereits am Freitagabend mit den Bands „Duck or Dove“ aus Senftenberg und „D:Projekt“ aus Dresden.
Eingebettet in den Lausitzkirchentag ist auch ein sorbisches Programm. Um 12 Uhr wird es eine sorbische Andacht in der Klosterkirche geben. Auftritte vom Chor Łužyca, des Niedersorbischen Kinderchors und des Kabarettisten und Liedermachers Bernd Pittkunings sind geplant. Die Schule für Niedersorbische Sprache und Kultur bietet einen Schnupperkurs für Sorbisch an.
Graphiken: Lausitzkirchentag
