W ramiku 25. tyźenja wobswěta w Chóśebuzu se wótměła njeźele 10. maja 2015 wósebna namša w Nimskej cerkwi. Promštowka Ulrike Menzel jo pśepšosyła na zgromadne bjatowanje za pśichod Łužyce. Perspektiwa našogo regiona buźo teke tema Łužyskego cerkwinskego dnja, kenž jo planowany w Chóśebuzu za 4. julija 2015. Ulrike Menzel se pśiwobrośiła w prjatkowanju temu togo cerkwinego dnja, kenž póchada wót bibliskego profeta Hezekiela: „…ako raj“. Łužyca zawěsće raj njejo, ale pšašanje jo, wótkul ga naźeja móžo pśiś. Wjele luźi maju tšach wó wobswět a eksistencu. Na namšu wobźělone, ako na pśikład faraŕ Mathias Berndt, dušepastyŕ za pótrjefjonych wót wótbagrowanja, biolog Sven Oliver Lohmann, cłonk krajneje synody a Birgit Jeschke, cłonk wuběrka za brunicu, energiju a wobswět wokrejsneje cerkwineje synody, su byli wobjadne, až jano zgromadne procowanje Nimcow a Serbow we Łužyce móžo nam wuwjasć z Bóžeju pomocu z něntejšneje situacije a naźeja móžo nastaś.
Pó namšy jo dało kafejpiśe w cerkwi móžnosć na rozgrono. Teke Wolfgang Ruhpieper (pśedsedaŕ towaristwa Pro Lausitzer Braunkohle z. t.) a Thomas Burchhardt (powědaŕ Klingskeje rundy za dostaśe domownje) stej wuměniłej swójej napśeśiwnej stojnišći.
Im Rahmen der 25. Cottbuser Umweltwoche fand am 10. Mai 2015 in der Oberkirche ein besonderer Gottesdienst statt. Die Superintendentin Ulrike Menzel lud zum gemeinsamen Beten für die Zukunft der Lausitz ein. Die Perspektive unserer Region wird auch das Thema des Lausitzkirchentages am 4. Juli in Cottbus darstellen. In ihrer Predigt wandte sich Ulrike Menzel dem Thema dieses Kirchentages zu, das vom biblischen Propheten Hesekiel stammt: „… wie der Garten Eden“. Die Lausitz ist sicherlich kein Paradies, aber die Frage ist, woher wir denn Hoffnung schöpfen können. Viele Menschen haben Angst um die Umwelt und die Existenz. Die am Gottesdienst Beteiligten, wie z. B. Pfarrer Mathias Berndt, Seelsorger an vom Braunkohletagebau betroffenen Menschen, der Biologe Sven Oliver Lohmann, Mitglied der Landessynode und Birgit Jeschke, Mitglied im Ausschuss Kohle, Energie und Umwelt der Kreissynode waren sich einig, dass nur das gemeinsame Handeln von Wenden und Deutschen in der Lausitz uns mit Gottes Hilfe aus der gegenwärtigen Situation führen und Hoffnung entstehen kann.
Nach dem Gottesdienst bot der Kirchenkaffee Gelegenheit zu Gesprächen. Auch Wolfgang Ruhpieper (Vorsitzender Pro Lausitzer Braunkohle e. V.) und Thomas Burchhardt (Sprecher der Klinger Runde für den Erhalt der Heimat) nutzten die Gelegenheit, ihre gegensätzlichen Standpunkte auszutauschen.
Foto: Gottesdienst am10.5.2015 in der Oberkirche
Quelle: Sł.