We wobłuku 23. Chóśebuskego měšćańskego swěźenja wótmějo se sobotu, 21. junija, wót 14:00 do 18:00 góź. w Puškinowem parku k 7. razoju „Serbski swěźeń“. Wócakujomy pśinoski, kótarež pokazuju cełu wjelerakosć serbskich drastwow cełeje Łužyce, kenž budu pśewóźowane ze spiwom, folkloru a reju. Anne Holzschuhojc a Christian Matthée buźotej moderaciju pśewześ. Wuwitaju wušego šołta Frank Szymanski a cłonk župnego pśedsedarstwa.
Na serbskim swěźenju statkuju sobu:
Serbska rejwanska skupina Smjerdźaca z.t.
„Zjadnośone dolnoserbske chory”
kupka „Olga don´t be shy”
Nimsko-Serbski ansambel Chóśebuz z.t.
Dolnoserbski źiśecy a młoźinski ansambel z.t. Chóśebuz
kupka „Kupazukow”
kupka “nAund Liveband”
Pśi budkach póbituju kupki a towaristwa tradicionalne a regionalne rucnikarstwo, baslenje z źiśimi , kulinariske z regiony, knigły a informacije wó serbskej rěcy a kulturje a wjele wěcej.
Serbska kulturna informacija Lodka
Nowy Casnik
Dolnoserbska žywnosć Hornow (kněz Budek)
šlodarka narodneje drastwy (kněni Heinzowa)
běłe wušywanje za drastwy (kněni Geppertowa)
„Serbski konsum“
Wuźěkujomy se našomu medijowymu partnarja, žarjabnicy Sprjewja-Nysa, Gebäudewirtschaft Chóśebuz GmbH a Lausitzer Wasser GmbH & Co. KG.
Die Meldung auf Deutsch hatten wir bereits gestern veröffentlicht.
Quelle: Stadt Cottbus
